ਨਵੀਂ ਦਿੱਲੀ - ਕਾਨਪੁਰ ਮੁਕਾਬਲੇ ਨੂੰ ਲੈ ਕੇ AIMIM ਮੁਖੀ ਅਸਦੁਦੀਨ ਓਵੈਸੀ ਨੇ ਯੋਗੀ ਸਰਕਾਰ 'ਤੇ ਹਮਲਾ ਬੋਲਿਆ ਹੈ। ਓਵੈਸੀ ਨੇ ਕਿਹਾ ਸੀ.ਐੱਮ. ਯੋਗੀ ਆਦਿਤਿਅਨਾਥ ਦੀ 'ਠੋਕ ਦਿਆਂਗੇ' ਨੀਤੀ ਪੂਰੀ ਤਰ੍ਹਾਂ ਰਾਜਨੀਤਕ ਅਸਫਲਤਾ ਸੀ। ਇਸ ਵਿਨਾਸ਼ਕਾਰੀ ਨੀਤੀ ਲਈ ਯੂ.ਪੀ. ਦੇ ਸੀ.ਐੱਮ. ਜ਼ਿੰਮੇਦਾਰ ਹਨ। ਤੁਸੀਂ ਨਿਯਮ-ਕਾਨੂੰਨ ਨੂੰ ਬੰਦੂਕ ਨਾਲ ਨਹੀਂ ਦੱਬ ਸਕਦੇ। ਸਾਨੂੰ ਇਸ ਮਾਮਲੇ 'ਚ ਸਕਾਰਾਤਮਕ ਨਤੀਜੇ ਦੀ ਉਮੀਦ ਹੈ।

THREAD: What's happening in the #VikasDubey case shows how 'thok denge' policy adopted by @myogiadityanath was a complete political failure. You cannot supplant rule of law with rule by gun & hope for a positive result. The UP CM is responsible for this disastrous policy [1/n]

— Asaduddin Owaisi (@asadowaisi) July 4, 2020

ਓਵੈਸੀ ਨੇ ਕਿਹਾ ਕਿ ਸੂਬੇ ਨੇ ਉਨ੍ਹਾਂ ਵਾਂਗ ਬਣ ਕੇ ਕਾਤਲਾਂ ਅਤੇ ਅਪਰਾਧੀਆਂ ਨਾਲ ਮੁਕਾਬਲਾ ਕਰਣ ਦੀ ਕੋਸ਼ਿਸ਼ ਕੀਤੀ ਹੈ। ਸੂਬਾ ਸਰਕਾਰ ਨੂੰ ਇਹ ਯਕੀਨੀ ਕਰਣਾ ਚਾਹੀਦਾ ਹੈ ਕਿ ਵਿਕਾਸ ਦੁਬੇ ਨੂੰ ਗ੍ਰਿਫਤਾਰ ਕੀਤਾ ਜਾਵੇ। ਇਹ ਸਿਰਫ ਇੱਕ ਮੁਕਾਬਲਾ ਨਹੀਂ ਹੋਣਾ ਚਾਹੀਦਾ ਹੈ।

ਓਵੈਸੀ ਨੇ ਕਿਹਾ ਕਿ ਇਹ ਮਾਮਲਾ ਸੀ.ਐੱਮ. ਯੋਗੀ ਲਈ ਇੱਕ ਵਿਅਕਤੀਗਤ ਚੁਣੌਤੀ ਹੈ, ਜਿਸ ਦੀ 'ਠੋਕ ਦਿਆਂਗੇ' ਨੀਤੀ ਅਪਰਾਧ ਨੂੰ ਘੱਟ ਕਰਣ 'ਚ ਅਸਫਲ ਰਹੀ। ਵਿਕਾਸ ਦੁਬੇ ਖਿਲਾਫ ਕਾਰਵਾਈ ਅਤੇ ਸਜਾ ਨਾਲ ਨਿਆਂ ਪ੍ਰਣਾਲੀ 'ਚ ਵਿਸ਼ਵਾਸ ਵਧੇਗਾ।